ආරාධිත ලේඛක – විවේක වෙලාවට ඔබේ දැනුම බෙදා ගන්න

ආරාධිත ලේඛක

ඔබේ අදහස්, දැනුම සමඟ අපගේ වෙබ් අඩවියේ ලිපියක් (ආරාධිත ලේඛක ලිපි) පළ කිරීමට ඔබ කැමතිද? ශ්‍රී ලංකාවේ දරු දැරියන් වෙනුවෙන් අධ්‍යාපනික වෙබ් අඩවියක් ලෙස ආරම්භ වූ මෙහි සේවාවන් තව දුරටත් පුළුල් කරමින් දරුවන්ගේ දැනුම, ආකල්ප සහ කුසලතා වර්ධනය සඳහා ඉවහල් වන ලිපි පළ කිරීමට අදහස් කරන්නෙමු.

ආරාධිත ලේඛක වශයෙන් ඔබටත් මෙම වෙබ් අඩවිය සමඟ සම්බන්ධ වීමෙන් ඔබේ දැනුම ලාංකික දරු දැරියන් අතර බෙදා ගැනීමට අවස්ථාව උදා වේ. විනෝදාංශයක් ලෙස ලිවීම සිදු කරන ඔබට, ඔබේ ම කියා වෙබ් අඩවියක් නොමැති වුවත්, අපගේ වෙබ් අඩවිය තුළ ඔබේ නමින් ම ලිපියක් පළ කිරීමට හැකි ය. එමෙන් ම මෙම සේවාව සම්පූර්ණයෙන් ම ඔබ වෙත නොමිලේ ලබා දෙන්නෙමු. ඔබේ දැනුම බෙදා හදා ගන්නට සුදුසු තෝතැන්නක් අප උදා කර දෙන්නෙමු.

ලියන්න ඕනෙ මොනවද?

එඩියුටෝක් [EduTalk] වෙබ් අඩවිය දරුවන් වෙනුවෙන් නිර්මාණය කරන ලද වෙබ් අඩවියකි. ඒ අනුව මෙහි පළ වන සෑම අන්තර්ගතයක් ම අපගේ ප්‍රධාන පරිශීලකයින් වන දරු දැරියන් සඳහා සුදුසු සහ ඔවුන්ගේ මානසික මට්ටමට ගැලපෙන ලිපි වීම අත්‍යවශ්‍ය වේ. ළමා මනසට ගැලපෙන, දැනුම වර්ධනය වන ඕනෑම කරුණක් ඔබේ මාතෘකාව විය හැකිය.

විද්‍යාව. ගණිතය ආදී යම් විෂයයකට අදාළ පාඩම් සඳහා අවශ්‍ය තරම් අන්තර්ගතයන් අන්තර්ජාලය තුළ පවතින නමුත්, සිංහල භාෂාවෙන් පවතින අන්තර්ගතය ඉතා අල්ප බව අප දනිමු. නමුත් දැනට මෙම වෙබ් අඩවිය තුළ පළ කිරීමට අදහස් කරනුයේ, අන්තර්ජාලය පරිශීලනය කරන දරුවන්ගේ ආකල්ප සහ දැනුම සංවර්ධනය කරන අන්තර්ගතයන් පමණි. එනම් අධ්‍යාපනික සඟරාවක් වශයෙනි. එසේ වුවද, ඔබගේ අදහස් සහ යෝජනා අනුව නම්‍යශීලී ප්‍රතිපත්තියක් අනුගමනය කිරීමටද කැමැත්තෙමු.

ආරාධිත ලේඛක වශයෙන් ලෙස ලිපි ඇතුළත් කිරීමේ නීති රීති.

කරුණාකර ඔබගේ බ්ලොග් සටහන පහත සඳහන් කොන්දේසි සමඟ එකඟ වන බවට වග බලා ගන්න, එසේ නොමැතිනම් ඔබගේ සටහන ඉවත් කරනු ලැබේ.

  • ඔබගේ ආරාධිත ලිපිය අනන්‍ය වූ සහ අවම වශයෙන් වචන 300 ක්වත් අඩංගු විය යුතුය.
  • උපුටා ගැනීම් නැත. – වෙනත් වෙබ් අඩවි වල හෝ සමාජ මාධ්‍ය තුළ කලින් ප්‍රකාශයට පත් කළ අන්තර්ගතයන් පිටපත් කිරීමට අපි ඉඩ නොදෙමු.
  • ඔබේ ලිපියේ සැබෑ ලෝකය තුළ ක්‍රියාත්මක උදාහරණ පමණක් අඩංගු විය යුතුය. අතිශයෝක්තිය හෝ මවාපෑම් අන්තර්ගත නොවිය යුතු ය.
  • ඔබේ ලිපිය හරහා ඔබේ වෙළඳ නාමය හෝ නිෂ්පාදනය ප්‍රවර්ධනය කළ හැකි නමුත් එය පාඨකයින්ට අපහසුතාවයක් නොවිය යුතුය. අපි ඔබේ පුවත්පත් නිවේදන ප්‍රකාශයට පත් නොකරමු. සෑම අවස්ථාවකදී ම අපගේ ප්‍රධාන පරිශීලක පිරිස දරු දැරියන් බව සිහි තබා ගැනීම සහ ඒ අනුව ඔබේ වචන හැසිරවීම කළ යුතු ය.
  • ඔබගේ ලිපියෙන් පිටතට යන සබැඳි 02 කට වඩා අඩංගු නොවිය යුතුය.
  • ඔබේ ලිපිය පාඨකයින් හට කියවීමට රසවත් හා ප්‍රයෝජනවත් විය යුතුය.
  • ලිපිය හොඳින් ලිවිය යුතුය. ඔබට ශීර්ෂ පාඨ, උප සිරැසි, පින්තූර සහ වීඩියෝ ආදිය භාවිතා කළ හැකිය.
  • කිසිදු රටක නීතියක් උල්ලංඝනය කරන අන්තර්ගතයක්, වැඩිහිටියන්ට අදාළ අන්තර්ගතයන් සහ වෛරය හෝ වෙනස් කොට සැලකීමකින් තොරව ඔබේ අන්තර්ගතය සමන්විත විය යුතු වේ.
ආරාධිත ලේඛක
ආරාධිත ලේඛක

ඔබට ලැබෙන්නේ කුමක්ද?

  • ඔබේ පෞද්ගලික අත්දැකීම් හෝ ජීවන රටාව සිය දහස් ගණනක් පාඨකයින් සමඟ ප්‍රයෝජනවත් අන්තර්ගතයන් සමඟ බෙදා ගන්න. මෙය අධ්‍යාපනික වෙබ් අඩවියක් බැවින් නීතී රීති වලට අනුකූල වෙමින්, පුද්ගලික පන්තිය, ඔබේ ව්‍යාපාරය හෝ සමාගම ප්‍රවර්ධනය කළ හැකිය.
  • සමාන අදහස් ඇති අය සමඟ අදහස් බෙදා ගැනීමට ද මෙය හොඳ අවස්ථාවකි.
  • අපගේ බ්ලොග් අඩවියේ සියලුම ලිපි සමාජ මාධ්‍ය ජාලවල ප්‍රවර්ධනය කෙරේ.
  • අප කුඩා සමාගමක් නොවන අතර පුද්ගලයින් කිහිප දෙනෙකු විසින් මෙහෙයවන වෙබ් අඩවියක් පමණි. ශ්‍රී ලාංකීය සිසු දරු දැරියන් වෙත නොමිලයේ ලබා දෙන සේවාවකි. මෙතෙක් මෙම වෙබ් අඩවිය ආදායම් උපයන ස්ථානයක් නොවේ. එබැවින් ඔබේ ලිපි පළ කිරීම සඳහා ගෙවීම් සිදු කිරීමට හැකියාවක් නොමැති බව කාරුණිකව සිහිපත් කරමු.
  • ඔබ ලියන බ්ලොග් සටහන් සඳහා කුඩා තෑග්ගක් හෝ ගෙවීමක් කිරීමට අපි අදහස් කරමු. නමුත් එය අපගේ අනාගත බලාපොරොත්තුවකි.

මම ආරාධිත ලේඛකයෙක් වෙන්නෙ කොහොම ද?

  1. වෙබ් අඩවිය තුළ සාමාන්‍ය ආකාරයට ලියාපදිංචි වන්න. ඒ සඳහා මෙතන ක්ලික් කරන්න.
    • ලියාපදිංචි වීමේ පිටුවේ දී ඔබේ පරිශීලක නාමය සඳහා තනි වචනයක් ලබා දෙන්න. එය අනාගතයේ දී ඔබට මතක තබා ගැනීමට පහසුවක් වේවි.
    • ඔබේ මුරපදය ආරක්ෂිත එකක් විය යුතු ය. ඒ සඳහා ඉංග්‍රීසි කැපිටල් අක්ෂර, සිම්පල් අක්ෂර, අනු ලක්ෂණ හා අංක භාවිතා කරන්න. කිසි විටෙක ඔබේ උපන්දිනය/ හැඳුනුම්පත් අංකය වැනි තොරතුරු යොදා ගැනීමෙන් වළකින්න.
  2. ඔබේ ලියාපදිංචිය සම්පූර්ණ වූ පසු ඔබේ පරිශීලක නම සඳහන් කරමින් පහත දුරකථන අංකයට ඇමතුමක්, කෙටි පණිවිඩයක් හෝ වට්සැප් පණිවිඩයක් යොමු කරන්න. (0717 35 34 33/ 076 9 35 34 33)
  3. ඔබ ශිෂ්‍යයෙකු වශයෙන් ලියාපදිංචි වී සිටින අතර ඔබ කර්තෘ/ ලේඛක තනතුර වෙත උසස් කිරීම අප විසින් සිදු කරනු ලැබේ.
  4. ඒ පිළිබඳ ව ඔබ දැනුවත් කෙරෙන අතර, ඔබ කර්තෘවරයෙකු වශයෙන් ලියාපදිංචිය සාර්ථක නම්, වෙබ් අඩවියේ ඉහළ ප්‍රධාන මෙනුවේ ඔබේ නම සඳහන් ස්ථානයේ “පරිපාලක පුවරුව” යනුවෙන් නව උප මෙනුවක් දිස් වනු ඇත.
  5. ඔබට දැන් නව ලිපියක් ඇතුළත් කිරීම, පසුව සම්පූර්ණ කිරීම සඳහා ලිපියක් ගබඩා කර තැබීම සිදු කළ හැකිවේ.
  6. අවසාන වශයෙන් වෙබ් අඩවියේ ප්‍රධාන පරිපාලකවරයා විසින් ඔබේ ලිපිය පිළිබඳ සෑහීමකට පත් වන්නේ නම්, ඔබේ ලිපිය පළ කෙරෙන අතර සියලු දෙනා හට නැරඹීමට හැකි වනු ඇත.

    ඉහත පියවර සම්පූර්ණ කිරීමෙන් සහ උපදෙස් පිළිපැදීමෙන් ඔබටත් මෙම වෙබ් අඩවියේ ආරාධිත ලේඛක වශයෙන් කටයුතු කළ හැකි වනු ඇත.